Ambasadorja e Kroacisë në Prishtinë, Maria Kapitanoviq, gjatë një takimi me ministrin e FSK-së, Rrustem Berisha, ka thënë se bashkëpunimi ndërmjet dy vendeve në aspektin e sigurisë është në nivelin më të lirë.
Ajo tha se ky bashkëpunim i suksesshëm do të vazhdojë edhe në të ardhmen dhe se fushat e bashkëpunimit do të zgjerohen në fushën e arsimit, trajnimeve profesionale dhe pjesëmarrjes në ushtrime ndërkombëtare.
Ndërsa, ministri i FSK-së Rrustem Berisha tha se krijimi i Forcave të Armatosura të Kosovës është në interes të të gjithë qytetarëve të vendit, dhe se MFSK po punon që transformimi të gjejë përkrahje dhe konsensus të plotë brenda vendit, si dhe të përkrahet edhe nga partnerët strategjikë.
Bashkëpunimin e mirë në fushën e sigurisë dhe të mbrojtjes, në takimin e ministrit Berisha dhe ambasadores Kapitanoviq, e konfirmoi edhe atasheu i Mbrojtjes së Kroacisë në Shkup i akredituar për Kosovë, kolonel Marijana Plesa Cadonic, e cila shprehu gatishmëri për vazhdimin e këtij bashkëpunimi dhe shtimin e aktiviteteve dhe shkëmbimin e përvojave në mes MFSK-së dhe Ministrisë së Mbrojtjes të Kroacisë.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...